21
November, 2026

A News 365Times Venture

21
Saturday
November, 2026

A News 365Times Venture

திருப்பத்தூர்: தேசிய நெடுஞ்சாலையில் தோன்றிய `குப்பை மலை' – அகற்ற கோரும் மக்கள்!

Date:

திருப்பத்தூர் மாவட்டம், வாணியம்பாடி – திருப்பத்தூர் தேசிய நெடுஞ்சாலையில், பாய்ச்சல் ஊராட்சிக்கு உட்பட்ட பகுதியில் லுத்தரன் திருச்சபைக்கு முன்பு சாலையோரமே குப்பைகள் மலைபோல் குவிந்து கிடக்கின்றன. தேசிய நெடுஞ்சாலையை ஒட்டியுள்ள இந்த இடம், குப்பைக் கிடங்கு போலக் காட்சியளிப்பது அந்த வழியாகச் செல்லும் பயணிகளை முகம் சுளிக்க வைத்திருக்கிறது.

சாலையோரத்தில் கொட்டப்பட்டுள்ள குப்பைகளிலிருந்து வீசும் கடுமையான துர்நாற்றத்தால் வாகன ஓட்டிகளும், பொதுமக்களும் அவதிக்குள்ளாகி வருகின்றனர். அதுமட்டுமின்றி, தொடர்ந்து குப்பைகள் தேங்கிக் கிடப்பதால் சுகாதாரச் சீர்கேடு ஏற்படுவதுடன், நோய்த்தொற்றுகள் பரவும் அபாயமும் இருப்பதாகக் கவலை எழுந்துள்ளது.

இந்தப் பிரச்னைக்கு உரிய தீர்வு காணும் நோக்கில் பாச்சல் ஊராட்சி நிர்வாக அதிகாரிகளை நேரில் சந்தித்து, குப்பைக் குவியல் தொடர்பான பிரச்னையை அவர்களின் கவனத்துக்குக் கொண்டு சென்றோம்.

இதையடுத்து, அங்கு குவிந்துள்ள குப்பைகள் உடனடியாக அகற்றப்பட்டு, அந்த இடம் தூய்மைப்படுத்தப்படும் என்றும், இனிமேல் அப்பகுதியில் யாரும் குப்பைகளைக் கொட்டக்கூடாது என்பதை வலியுறுத்தி எச்சரிக்கைப் பதாகை வைக்கப்படும் என்றும் ஊராட்சி நிர்வாகத்தினர் உறுதியளித்துள்ளனர்.

தேசிய நெடுஞ்சாலையோரம் தேங்கிக் கிடக்கும் குப்பைகள் அகற்றப்பட்டு, அந்தப் பகுதி மீண்டும் தூய்மையான இடமாக மாற வேண்டும் என்பதே வாகன ஓட்டிகள் மற்றும் பொதுமக்களின் எதிர்பார்ப்பு!

Source link

LEAVE A REPLY

Please enter your comment!
Please enter your name here

Share post:

Subscribe

Popular

More like this
Related

பன்னூனைக் கொல்லச் சதி: இந்தியர் நிகில் குப்தாவுக்கு அமெரிக்காவில் 19 ஆண்டுகள் சிறை! – என்ன நடந்தது?

நியூயார்க்கில் காலிஸ்தான் பிரிவினைவாதி குர்பத்வந்த் சிங் பன்னூனைக் கூலிப்படை ஏவிக் கொலை...

ராமநாதபுரம்: சாலையில் பெருக்கெடுக்கும் கழிவுநீர்… துர்நாற்றத்தில் தவிக்கும் நம்புதாளை மக்கள்!

ராமநாதபுரம் மாவட்டம், திருவாடானை வட்டம், நம்புதாளை கிராமத்தில் ECR சாலையிலிருந்து கிராமத்திற்குச்...

திருப்பரங்குன்றம் தீப விவகாரம்… இருதலைக்கொள்ளி நிலையில் முதல்வர் விஜய்!

திருப்பரங்குன்றம் தீப விவகாரம் தமிழக அரசியலில் மீண்டும் அனலைக் கிளப்பியிருக்கிறது. கடந்த...

தமிழ்நாட்டில் இதுவரை எத்தனை MoU-க்கள், எத்தனை வேலைவாய்ப்புகள்? – தகவல் வெளியிட்ட அமைச்சர் கீர்த்தனா

வருகிற நவம்பர் 25-ம் தேதி, தமிழ்நாட்டில் இரண்டாவது முதலீட்டாளர்கள் மாநாடு நடக்கவிருக்கிறது....