தமிழக சட்டமன்றத் தேர்தலில் போட்டியிடும் முக்கிய அரசியல் தலைவர்களின் தொகுதிகளில் மாலை 5 மணிவரை பதிவான வாக்குப்பதிவு சதவிகித விவரங்கள் தற்போது வெளியாகியுள்ளன. இதில் முன்னாள் முதல்வர் எடப்பாடி பழனிசாமி போட்டியிடும் தொகுதியில் மிக அதிகப்படியான வாக்குகள் பதிவாகி முன்னிலை பெற்றுள்ளது.
அதிமுக பொதுச்செயலாளர் எடப்பாடி பழனிசாமி போட்டியிடும் சேலம் மாவட்டத்தின் எடப்பாடி தொகுதியில் வரலாறு காணாத வகையில் 89.09% வாக்குகள் பதிவாகியுள்ளன. இது மற்ற முக்கிய தலைவர்களின் தொகுதிகளை விட மிக அதிகபட்ச சதவிகிதமாகும்.
தமிழக முதல்வர் போட்டியிடும் சென்னை கொளத்தூர் தொகுதியில் 83.58% வாக்குகள் பதிவாகியுள்ளன. தலைநகரின் முக்கிய தொகுதியாகக் கருதப்படும் இங்கு மக்கள் ஆர்வத்துடன் வாக்களித்துள்ளனர்.
தமிழக வெற்றிக் கழகத் தலைவர் விஜய் போட்டியிடும் சென்னை பெரம்பூர் தொகுதியில் 86.72% வாக்குகளும், திருச்சி (கிழக்கு) தொகுதியில் 79.32% வாக்குகளும் பதிவாகியுள்ளன. பெரம்பூர் தொகுதியில் வாக்குப்பதிவு மிகவும் விறுவிறுப்பாக நடைபெற்றுள்ளது குறிப்பிடத்தக்கது.
நாம் தமிழர் கட்சியின் தலைமை ஒருங்கிணைப்பாளர் சீமான் போட்டியிடும் காரைக்குடி தொகுதியில் 71.88% வாக்குகள் பதிவாகியுள்ளன.
தலைவர்கள் களம் காணும் இந்த நான்கு தொகுதிகளிலும் சராசரியாக 80 சதவீதத்திற்கும் மேல் வாக்குகள் பதிவாகியுள்ளன. மக்கள் தங்களின் எதிர்காலத்தைத் தீர்மானிக்கத் திரண்டு வந்து வாக்களித்துள்ளது தமிழக அரசியலில் பெரும் எதிர்பார்ப்பை ஏற்படுத்தியுள்ளது.
