நடிகர் விஜய் தொடங்கியுள்ள தமிழக வெற்றிக் கழகம் கட்சி ஓராண்டை கடந்துவிட்டது. தற்போது வினோத் இயக்கத்தில் ‘ஜனநாயகன்’ படத்தில் நடித்து வரும் விஜய், விரைவில் தமிழகம் முழுவதும் சுற்றுப்பயணம் மேற்கொண்டு தீவிர அரசியலில் இறங்க போகிறார்.
இந்நிலையில் தமிழகம் முழுவதும் மாவட்ட நிர்வாகிகள் நியமனம் நடைபெற்று வருகிறது. தவெகவில் நிர்வாக ரீதியாக கோவை மாவட்டத்தை கோவை மாநகர், வடக்கு, தெற்கு, கிழக்கு என்று நான்காக பிரித்துள்ளனர்.
இதில் சூலூர் சட்டமன்ற தொகுதிக்கு உட்பட்ட கோவை புறநகர் கிழக்கு மாவட்ட செயலாளராக பாபு என்பவர் நியமிக்கப்பட்டுள்ளார். இவர் ஆட்டோ ஓட்டுநர் ஆவார். தீவிர விஜய் ரசிகர். தொடர்ந்து விஜய் ரசிகர் மன்றம், விஜய் மக்கள் இயக்கம் ஆகியவற்றில் ஆக்டிவாக இருந்துள்ளார்.
அதன் தொடர்ச்சியாக தவெக மாவட்ட செயலாளர் பதவியும் அவருக்கு வழங்கப்பட்டுள்ளது. “வலிமையான மாவட்ட செயலாளர் பதவியை விஜய் சாதாரண ஒருவருக்கு வழங்கியுள்ளார்.” என தவெகவினர் இதை கொண்டாடி வருகிறார்கள்.
இதுகுறித்து பாபு கூறுகையில், “பொதுவாக அரசியல் கட்சிகளில் பணம் படைத்தவர்களுக்கு மட்டுமே பதவிகள் வழங்கப்படும். மாற்று அரசியலை முன்னிறுத்தும் எங்கள் தலைவர் ஆட்டோ ஓட்டுநரான என்னை மாவட்ட செயலாளராக நியமித்துள்ளார்.
தலைவரின் வழிகாட்டுதலின் படி மக்களின் அடிப்படை தேவைகளுக்கு மட்டுமே முன்னுரிமை அளித்து பணியாற்றுவோம்.” என்றார்.
Junior Vikatan-ன் பிரத்யேக Whatsapp Group…
இணைவதற்கு இங்கே க்ளிக் செய்யவும் https://bit.ly/3OITqxs
வணக்கம்,
BIG BREAKINGS முதல்… அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.
ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்… https://bit.ly/3OITqxs
