பிரதான கட்சி வேட்பாளர்களுக்கு தொகுதியில் வாக்கு இல்லை
தவெக வேட்பாளர் மரகதம் குமரவேலுக்கு திருப்போரூரிலும், திமுக வேட்பாளர் பரந்தாமனுக்கு எழும்பூரிலும், அதிமுக வேட்பாளர் கனிதா சம்பத்துக்கு செங்கல்பட்டிலும், சிபிஎம் வேட்பாளர் சுகந்திக்கு ஸ்ரீவில்லிபுத்தூரிலும் வாக்கு உள்ளது. நாம் தமிழர் கட்சியின் வேட்பாளர் ஜானகிராமன் மட்டும் வாக்கு செலுத்த உள்ளார்
கருப்பு மை
மதுராந்தகம் தண்டரை புதுச்சேரி பகுதியில் உள்ள வாக்குப்பதிவு இயந்திரத்தில், விசில் சின்னத்திற்கு நேராக உள்ள பட்டனில் கறுப்பு மை இருந்ததால் வாக்குப்பதிவு நிறுத்தம்.
தொடங்கியது வாக்குப்பதிவு!
தமிழ்நாட்டில் மதுராந்தகம் மற்றும் தாராபுரம் ஆகிய இரண்டு தனி தொகுதிகளுக்கான இடைத்தேர்தல் இன்று நடைபெறுகிறது. இதில் தாராபுரத்தில் மொத்தம் 22 வேட்பாளர்கள் களத்தில் உள்ளனர். 1,15,523 பெண் வாக்காளர்கள், 1,06,875 ஆண் வாக்காளர்கள், 8 மூன்றாம் பாலின வாக்காளர்கள் என மொத்தம் 2,22,406 வாக்காளர்கள் வாக்களிக்க உள்ளனர்.
தாராபுரம் தொகுதி முழுவதும் 320 வாக்குச்சாவடிகள் அமைக்கப்பட்டுள்ளன. இவற்றில் 18 வாக்குச்சாவடிகள் பதற்றமான வாக்குச்சாவடிகளாக கண்டறியப்பட்டு. சுமார் 1,300 தேர்தல் பணியாளர்கள் வாக்குப்பதிவு பணியில் ஈடுபட்டு வருகின்றனர்.
மதுராந்தகம் தொகுதியை பொறுத்தவரை மொத்த வாக்காளர்கள், 2,13,689. ஆண் வாக்காளர்கள் 1,04,886, பெண் வாக்காளர்கள் 1,08,738, மூன்றாம் பாலினத்தவர் தோராயமாக 65 பேர் உள்ளனர்.
மதுராந்தகம் தொகுதியில் மொத்தம் 167 அமைவிடங்களில் 285 வாக்குச்சாவடி மையங்கள் அமைக்கப்பட்டுள்ளன. மதுராந்தகம் சட்டமன்றத் தொகுதி இடைத்தேர்தலில் மொத்தம் 8 வாக்குச்சாவடிகள் பதற்றமானவையாகக் கண்டறியப்பட்டு வகைப்படுத்தப்பட்டுள்ளன. இந்த மையங்களில் கூடுதல் பாதுகாப்பு, துப்பாக்கி ஏந்திய போலீசார், சிசிடிவி கேமரா கண்காணிப்பு மற்றும் கூடுதல் தேர்தல் நுண் பார்வையாளர்கள் நியமனம் போன்ற கூடுதல் பாதுகாப்பு நடவடிக்கைகள் மேற்கொள்ளப்பட உள்ளன.
