தவெக தலைவர் விஜய் பெரம்பூர் மற்றும் திருச்சி கிழக்கு என இரண்டு தொகுதிகளில் போட்டியிடுகிறார். இரண்டு தொகுதிகளிலும் தாக்கல் செய்திருக்கும் வேட்புமனுக்களில் வெவ்வேறு வயதை விஜய் குறிப்பிட்டிருப்பது இப்போது சமூகவலைதளங்களில் வைரலாகி வருகிறது.
தவெக தலைவர் விஜய் கடந்த மார்ச் 30 ஆம் தேதி பெரம்பூரில் வேட்புமனுவை தாக்கல் செய்திருந்தார். அந்த வேட்புமனுவில் தனக்கு 52 வயது என்றும் தன் மீது எந்த வழக்குகளும் இல்லை என்று விஜய் குறிப்பிட்டிருந்தார். ஆனால், விஜய் நேற்று திருச்சி கிழக்கில் தாக்கல் செய்த வேட்புமனுவில் அவருக்கு வயது 51 என்றும் தன் மீது மதுரை மாநாடு மற்றும் பெரம்பூர் பிரசாரத்தின் போது பதிவு செய்ப்பட்ட இரண்டு வழக்குகளும் உள்ளதாக குறிப்பிட்டிருக்கிறார்.
இந்த இரண்டு வேட்புமனுக்களும் இப்போது இணையத்தில் வைரலாகி வருகிறது. மூன்றே நாளில் எப்படி ஒரு வயது குறையும் என கேள்வியும் எழுப்பி வருகின்றனர்.
இதுபற்றி விஜய் தரப்பில் விசாரிக்கையில் வேட்புமனுவை தாக்கல் செய்ய 6 ஆம் தேதி வரை நேரம் இருப்பதால் அதற்குள் தாக்கல் செய்திருக்கும் வேட்புனுவில் திருத்தங்களை செய்து ஒப்படைப்போம் அல்லது புதிய வேட்புமனுவை தாக்கல் செய்வோம் என்கின்றனர்.
